Деректер не үшін керек және оларды кім көреді

Деректер сіз келген мақсат үшін керек: аккаунтқа кіру, тапсырысты тиісті авторға жеткізу, бейнені беру, брендтердің жобалары мен хат алмасуды жүргізу, авторға ақы төлеу, хабарландырулар мен хаттар жіберу, қолдау қызметінде жауап беру, шағымды қарау және алаяқтықты тоқтату. Оқиғалар мен іздеу сұраулары адамдардың Kumir-ді қалай пайдаланатынын түсінуге және оны жақсартуға көмектеседі. Олардың негізінде сіздің жарнамалық профиліңізді жасамаймыз.

Деректерді тағы кім алады — және тек өз жұмысына қажеттісін ғана: — Apple: қолданбадағы сатып алулар, Apple арқылы кіру, iPhone-дағы push-хабарландырулар және Alfred-қа айтқаныңызды тану. — Google: Google арқылы кіру, Android-тағы push-хабарландырулар мен сөзді тану. — Plexy, төлем провайдері: сайттағы төлем, мерч және іс-шараның алдын ала төлемі — төлемді өткізуге қажеттісін ғана. — Resend: біздің хаттарымызды жеткізеді (поштаны растау, құпиясөзді қалпына келтіру, тапсырыс жаңалықтары), сондықтан мекенжайыңызды және хат мәтінін алады. — Kumir жұмыс істейтін және оның файлдары сақталатын серверлердің компаниялары — тек біздің тапсырмамыз бойынша. — Alfred келісім экранында аталған AI-сервистер — тек Alfred-ты пайдалансаңыз (Alfred туралы бөлімдерді қараңыз). — Қазақстан Республикасының уәкілетті мемлекеттік органы — заң бойынша жауап беруге міндетті сұраныс жіберсе; мұндай сұраныс туралы айтуға рұқсат болса, сізге хабарлаймыз.

Бұл компаниялар біздің тапсырмамыз бойынша әрекет етеді және деректеріңізді өз мақсаттарына пайдалана алмайды. Kumir дербес деректерді сатпайды, жарнама желілеріне бермейді және ештеңеге айырбастамайды.

Дербес деректердің негізгі базасы дербес деректер туралы заң талап еткендей Қазақстан Республикасындағы серверлерде орналасқан. Аккаунт пен тапсырыстар аккаунт бар кезде сақталады; аккаунтты жойсаңыз, дербес деректерді жоямыз, тек сақтауға міндетті мәліметтер қалады: төлемдер туралы мәліметтер және әлі жабылмаған дауға қажетті ең аз деректер; оқиғалар сізге байланыстырылмай ғана қалады. Егер дербес деректер бір кезде жылыстап кетсе, бұл туралы уәкілетті органға бір жұмыс күні ішінде хабарлаймыз және оған қатысты адамдарға айтамыз.